Daggráður mæla hversu lengi bráð hefur hangið og við hvaða hita. Fyrir hverja klukkustund bætist (hitastig í °C) / 24 við heildina, og 1°C og lægra reiknast sem 1°C.
Villibráð verður meyrari og bragðbetri ef hún fær að hanga. Kjötið þarf kalt, dimmt og vel loftræst umhverfi, um 0–4°C, og þá hefjast efnabreytingar sem mýkja það.
Hitinn stýrir því hve lengi bráðin má hanga: því hlýrra sem er, þeim mun skemur. Þekkt viðmið meðal veiðimanna er að dagafjöldi margfaldaður með hitastiginu eigi ekki að fara yfir 40. Það er talan sem þessi reiknivél fylgist með. Tegund, stærð og aldur bráðarinnar hafa líka áhrif.
| Tegund | Tími |
|---|---|
| Gæsir | 7–12 dagar |
| Stokkendur | 5–7 dagar |
| Rauðhöfðaendur | 4–6 dagar |
| Urtendur | 3–4 dagar |
| Rjúpur sem á að léttsteikja | 5–7 dagar |
| Rjúpur, eldaðar á gamla mátann | < 30 dagarÞví lengur sem rjúpur eru látnar hanga þeim mun bragðmeiri verða þær. |
| Hreindýrakálfar og ungar kýr | 5–10 dagar |
| Hreindýratarfar | < 12 dagar |
Hægt er að fræðast meira um ferlið í Stóru bókinni um villibráð.
Smelltu á kortið til að velja staðsetningu. Hún þarf ekki að vera nákvæm; við þurfum ekki að vita í hvaða húsi bráðin hangir.